Mançesteri, fitues në fuqi i Ligës së Kampioneve, ka rënë në grup me skocezët e Sëlltikut, spanjollët e Vilarelit dhe danezët e Alborgut, në bazë të shortit të hedhur dje në Montekarlo. "Djajtë" që, njëkohësisht janë edhe kampionët e Anglisë, bëjnë pjesë në Grupin E. "Beteja britanike" ndërmjet Mançesterit dhe Sëlltikut do të jetë më interesante, nga fakti se trajneri i Mançesterit, Aleks Ferguson, është skocez, ndërsa trajneri i Sëlltikut, Gordon Straçan, i famshëm si futbollist i Mançesterit. Të dyja klubet janë ndeshur edhe dy vjet më parë në fazën me grupe. Skocezët fituan 1-0 në fushën e tyre, ndërsa Mançesterit fitoi 3-2 sfidën në "Old Traford".

Çelsi do të ndeshet me italianët e Romës, francezët e Bordosë dhe debutuesit rumunë Kluj. "Nuk kemi frikë, sepse është viti i katërt që luajmë në Champions, pak a shumë me të njëjtët futbollistë. Vjet eliminuam Realin dhe asgjë nuk është e pamundur," - tha trajneri i Romës, Luçiano Spaleti.

Liverpuli, që rrezikoi seriozisht eliminimin në turin e tretë paraeliminator, do të jetë në Grupin D, së bashku me Atletikon e Madridit, e cila fitoi 4-0 ndaj Shalkes, të mërkurën. Këtë grup, që konsiderohet si grupi më i fortë, e kompletojnë edhe dy skuadra të tjera me pretendime, Marseja dhe PSV Eindhoven. Marseja dhe Liverpuli janë ndeshur me njëra-tjetrën në edicionin e kaluar, por fakti më interesant është se Fernando Torres do të jetë i detyruar të luajë si kundështar ndaj Atletikos së Madridit, në "Visente Kalderon", atje ku u rrit dhe mori pseudonimin "El Ninjo".

Ndërkohë, skuadra tjetër angleze, Arsenali, do të jetë në një grup të vështirë me Fenerbahçen, gjysmëfinaliste e edicionit të kaluar me Porton, kampione e Portugalisë, dhe me Dinamon e Kievit, e cila duket se është rikthyer ajo e kohëve të arta. Në Grupin B, Interi, kampion i Italisë, mund të buzëqeshë. Italianët do të kenë si kundërshtar Verder Bremenin, Panathinaikosin dhe qipriotët debutues të Anorthosis. Rivalët janë për t'u respektuar, por duket qartë se skuadra e Mourinjos qëndron një shkallë mbi të tjetrat.

Juventus-Real është çifti më interesant në Grupin H, ku prania e Zenitit, fitues i Kupës UEFA, e shton ndjeshëm vështirësinë. Reali mban rekordin dhe e ka fituar nëntë herë Championsin, ndërsa bardhezinjtë italianë vijnë nga dy sezone shumë të vështira rindërtimi. Zeniti, kampion i Rusisë, synon surprizën, ndërsa skuadra e katërt do të jetë Bate Borisov. Bjellorusët marrin pjesë për herë të parë në fazën me grupe, pasi eliminuan Levskin e Sofjes në turin e tretë paraeliminator.

Barcelona, dy herë kampione e Europës, do të jetë në Grupin C, së bashku me portugezët e Sportingut, zvicerianët e Bazelit dhe ukrainasit e Shahkjtarit. Në Grupin F, Lioni, tetë herë kampion i Francës, do të synojë suksesin në Europë në një tjetër "grup të hekurt". Kundërshtarët e tyre do të jenë Bajerni i Mynihut, Fiorentina dhe Steaua e Bukureshit. Ky është një tjetër "grup i vdekjes". Trajneri i Lionit, Klod Pyel, tha: "Futbolli rumun është rritur ndjeshëm, ndërsa Fiorentina shkoi në gjysmëfinalet e Kupës UEFA dhe shkëlqeu në Itali. Bajerni nuk ka nevojë për fjalë. Kudo do ta kemi të vështirë fitoren". Ndeshjet e para të fazës me grupe do të luhen të martën dhe të mërkurën, më 16 dhe 17 shtator.

-----------
Grupi A

Çelsi (Angli)

Roma (Itali)

Bordo(Francë)

Kluj (Rumani)

Grupi B

Inter (Itali)

Verder B (Gjermani)

Panathinaikos (Greqi)

Anorthosis (Qipro)

Grupi C

Barcelona (Spanjë)

Sporting L(Portugali)

Bazel (Zvicër)

Shakhtar (Ukrainë)

Grupi D

Liverpul(Angli)

PSV (Holandë)

Marsejë (Francë)

Atletiko M(Spanjë)

Grupi E

Mançester U(Angli)

Vilareal(Spanjë)

Sëlltik (Skoci)

Alborg (Danimarkë)

Grupi F

Lion (Francë)

Bajern M (Gjermani)

Steaua B (Rumani)

Fiorentina (Itali)

Grupi G

Arsenal (Angli)

Porto (Portugali)

Fenerbahçe (Turqi)

Dinamo Kiev(Ukrainë)

Grupi H

Real M (Spanjë)

Juventus (Itali)

Zenit (Rusi)

BATE(Bjellorusi)
 




____________
\"Mos shikoni kishat as xhamijat se feja e shqiptarit eshte shqiptaria.\"

“Ortek” me gola ne Champions. Lioni fiton 5-3 ne Bukuresht, Vilareali mundi 6-3 Alborgun, Arsenali mundi 5-2 Fenerbahcen. Mançesteri thyen lehte Selltikun, befason Dinamo e Kievit ne Oporto

Grupi H

JUVENTUS-REAL MADRID 2-1

Ne minuten e peste, Del Piero shenoi golin e tij numer 244 me fanellen e Juves, dhe e detyroi Real Madridin ta niste ndeshjen ne ndjekje. Juvja luajti krejt ndryshe ne krahasim me ndeshjet e mepareshme ne kampionat. Ndaj Kanavaros, ish-lojtar i bardhezinjve, vershuan shume sharje, teksa po kryente nxemjen. Ne pjesen e dyte Amauri shenoi golin e dyte, ne minuten e 49-te, dhe ne te 66-n Van Nisterloi shenoi per Realin, por rezultati nuk ndryshoi me deri ne fund. Pasdite, Zeniti dhe Bate Borisov barazuan 1-1.

Renditja e grupit H:

Juventus        7 pike
Real Madrid   6 pike
Bate Borisov  2 pike
Zenit             1 pike

 

Grupi F

BAYERN-FIORENTINA 3-0

Gjermanet triumfuan ndaj vjollceve. Golin e pare per bavarezet e shenoi Klose, ne minuten e 4-t. Ne minuten e 25-te, Vargas ben nje gabim qe i hap rrugen Shvaistaigerit per te shenuar golin e dyte. Ne minutat e fundit, Bajerni shenoi dhe me Ze Roberton. Nderkohe, Lioni permbysi rezultatin dhe mundi Steauan e Bukureshtit 5-3.

Renditja e grupit F:

Bayern        7 pike
Lioni           5 pike
Fiorentina   2 pike
Steaua B.     1 pike

GRUPI E: Nderkohe, pati nje “lume” me gola ne grupin E.  Manchester United mundi 3-0 Celtic, me gola te Berbatovit (dy) dhe Rooney. Ndersa ne takimin Villareal-Alborg u shenuan plot nente gola (6-3 per spanjollet).

Renditja e grupit E

Mancesteri   7 pike
Vilareal        7 pike
Selltiku        1 pike
Alborgu       1 pike

GRUPI G:  Porto-Dinamo Kiev 0-1 dhe Fenerbahçe-Arsenal 2-5. Ukraniasit shenuan fitoren e pare ne Champions sivjet ne fushen e Portos,  ndersa Arsenali i Vengerit i poshteroi turqit e Fenerbahçes ne fushen e tyre me rezultatin 5-2. Per anglezet shenuan: Adebayor, Walcott, Diaby, Billong, Ramsey. Ja renditja:

Renditja e grupit G

Arsenal          7 pike
Dinamo Kiev  5 pike
Porto             3 pike
Fenerbahce   1 pike
 

Katalanasit në 1/8-t e finaleve. Roma mund Çelsin. Anorthosis ndal Interin. “Shpëton” Liverpuli

Dje u luajtën ndeshjet e katërta në Grupet A, B, C dhe D për Ligën e Kampioneve. Interi dhe Çelsi kanë dështuar në takimet e radhës, duke rrezikuar pozitat në grupet respektive, ndërsa Barcelona ka fituar të drejtën për të luajtur në 1/8-t e finaleve. Shpëton Liverpuli, reagojnë Roma dhe Marseja…
Grupi A
Ringjallet Roma, fiton edhe Bordoja

Roma ka “rilindur” dhe e ka bërë pikërisht atëherë kur duhej, përpara se dëmtet të bëheshin të pariparueshme. Verdhekuqtë e Spaletit kanë fituar 3-1 ndaj Çelsit, duke i hapur llogaritë në Grupin A. Italianët ngjiten në kuotën e gjashtë pikëve, ashtu si Bordoja që fitoi me Kluzhin dhe janë një pikë prapa Çelsit kryesues.

Mbrojtësi Kristian Panuçi, që në të kaluarën ka luajtur edhe me londinezët, shënoi golin e parë për Romën, shtatë minuta nga fundi i pjesës së parë. Ekipi, që kishte humbur në pesë ndeshjet e fundit të Serisë A, bëri diferencën në pjesën e dytë me dy golat sulmuesi malazez Mirko Vuçiniç.

Goli i nderit për anglezët mban firmën e kapitenit Xhon Terri, që shënoi edhe në ndeshjen e dy javëve më parë. Çelsi i Skolarit del me “kockat e thyera” duke pësuar humbjen më të thellë të sezonit, por i mjafton të fitojë një nga dy ndeshjet e mbetura për t’u kualifikuar.

Në ndeshjen tjetër të grupit, pas humbjeve ndaj Romës dhe Çelsit, Bordja ka arritur të marrë gjashtë pikë në dy ndeshje me Kluzhin, pasi fitoi edhe në Rumani me rezultatin 2-1. Johan Gurkuf kaloi në avantazh francezët, ndërsa Dani vuri barazpeshën, përpara se braziliani Vendel t’i jepte fitoren skuadrës së Loren Blakut.
Grupi B
Anorthosis dhe Panathinaikos, çudi “helene”!

Anorthosis ka bërë një tjetër çudi në grupin B duke ndalur Interin në një barazim 3-3, pavarësisht se u gjend dy herë në disavantazh. Në një ndeshje të mbushur me emocione, gola rokambolesk dhe raste të humbura, protagonist ishte edhe portieri shqiptar Arjan Beqaj.

Interi kaloi në avantazh pas 13-të minutash lojë kur Beqaj devijoi drejt këmbëve të Balotelit, një goditje të ekzekutuar nga Ibrahimoviç. Pas gjysmë ore lojë, Burdizo bën një gabim trashanik dhe i dhuron barazimin qipriotëve.

Në sekondat e fundit të pjesës së dytë vjen përgjigja e Interin me golin e Materacit dhe kundërpërgjigja e Anorthosisit, me anë të Panagit. Vendasit nuk u besojnë syve kur pas një tjetër gabimit të italianëve, Frusos shënoi golin e avantazhit për Anorthosin. Hulio Rikardo Kruz “firmosi” barazimin, dhjetë minuta para fundit, gjatë të cilave ndodhi edhe “mrekullia” Beqaj.

Portieri shqiptar i mohoi golin Estebian Kambiasos me një pritje vendimtare për skuadrën e Ketsbaias, për të marrë një pikë. Në ndeshjen tjetër të grupit, Panathinaikosi ka “shtangur” Verderi, duke fituar 3-0 në Bremen. Mantzios, Karagunis dhe Tziolis shënuan për skuadrën greke në 45 minutat e dyta. Kur mbeten edhe 180 minuta nga fundi. Interi kryeson grupin me tetë pikë, Anorthosis ka pesë, Panathinaikosi ka katër pikë, ndërsa Verderi është në vendin e fundit me tri pikë.
Grupi C
Barcelona dhe Sporting, misioni u kompletua

Barcelona dhe Sportingu i Lisbonës kanë fituar të drejtën për të marrë pjesë në 1/8-t e finaleve të Ligës së Kampioneve. Katalanasit janë ngjitur në kuotën e 10-të pikëve, por dje nuk kanë arritur fitoren e 12-të radhazi në të gjitha veprimtaritë. U duk se goli i Lionel Mesit mjaftoi për të mundur Bazelin, por zvicerianët barazuan me anë të turkut Derijok, tëtë minuta para fundit.

Skuadra e Guardiolës është gjithashtu në krye të kampionatit spanjoll. “Gjithçka po shkon mirë edhe pse sot duhet të kishim shfrytëzuar disa raste ku u treguam të paqartë. Skuadra është mjaft pranë ideales dhe këtë e tregon me lojën e shfaqur në momente të caktuara. Nëse seria e fitoreve duhet të ndalej, më mirë që ndodhi sot.” – tha trajneri i katalanasve.

Në ndeshjen tjetër të këtij grupi, Sportingu fitoi 1-0 ndaj Shakhtarit në Lisbonë dhe u kualifikua pasi gjendet gjashtë pikë para ukrainasve, dy ndeshje para fundit, dhe i ka fituar të dyja takimet e drejtpërdreja. Sfida e mbushur plot tension u zgjidh nga goli i veteranit Darlei, në pjesën e dytë.
Grupi D
Penallita “in extremix” shpëton Liverpulin

Një 11-metërsh i shndëruar në gol nga Stiven Xherrard, në minutën e pestë të kohës shtesë, e ka shpëtuar Liverpulit nga humbja me Atletikon e Madridit. Sfida e “Anfild Road” u mbyll si ajo e “Kalderonit” 1-1, pasi më parë spanjollët kishin kaluar në avantazh me anë të argjentinasit Maksi Rodrigez. Liverpuli dhe Atletiko ndajnë kreun e Grupit D me nga tetë pikë, pas katër ndeshjeve të para. Ndërkohë, Marseja dhe PSV Eindhoveni kanë nga tri pikë.

Marseja ka marrë pikët e para në këtë edicion, duke mundur 3-0 PSV-në në një fushë të përmbytur. Sulmuesi nga Bregu i Fildishtë, Bakari Kone, mori një pasim të artë nga Hatem Ben Arfa dhe hapi serinë e golave, pas gjysmë ore lojë. Kone ishte i përfshirë edhe në golin e dytë, teksa krosoi saktësisht për sulmuesin senegalez Mamadu Niang, pas një ore lojë. Niang shënoi edhe golin e tretë. Në këtë mënyrë Marseja, me kapitenin shqiptarin Lorik Cana, mban ende gjallë shpresën për të vazhduar të paktën në Kupën UEFA.
 




____________
\"Mos shikoni kishat as xhamijat se feja e shqiptarit eshte shqiptaria.\"

Një ndeshje e bukur është zhvilluar të mërkurën mbrëma në Santiago Bernabeu të kryeqytetit spanjoll, ku janë takuar Mbretërit e Real Madrid dhe Zonja e Vjetër nga Torino, me ç’rast Juventusi e ka mposhtur Realin në shtëpinë e tij me rezultat 2-0.

Ishte sërish ikona e Juventusit, Alessandro Del Piero, njeriu i cili i ndryshoi shifrat. Djaloshi i Artë me lëvizjet e tija të zakonshme pa një hapësirë ndërmjet Cannavorës dhe portierit Casillas dhe me një gjuajtje gjeti skajin e portës dhe ia dha epërsinë skuadrës mysafire (17’).

Deri në fund të pjesës së parë Mbretërit vazhduan të sulmonin portën kundërshtare, megjithatë nuk arritën që ta bëjnë atë që nevojitej, të shënojnë gol.

Për dallim nga pjesa e parë kur madrilenët ishin dominues, në pjesën e dytë loja ishte pak më e balancuar, edhe pse në fillim Los Merengues e filluan me një presion para gjashtëmbëdhjetëmetërshit mysafir.

Në minutën e 67 u akordua një goditje e lirë në favor të Zonjës së Vjetër, të cilën nga një distancë prej 28 metrash, ‘Grande’ Alex Del Piero shënoi edhe golin e dytë në ndeshje duke dyfishuar epërsinë për skuadrën mysafire.

Me këtë fitore Juventus siguron vazhdimin në fazat e mëtutjeshme të Ligës së Kampionëve porse ndeshjet e radhës do të përcaktojnë nëse do të përfundojë në vendin e parë apo të dytin.

Takimi tjetër në Grupin H ndërmjet Bates dhe Zenitit i ka takuar skuadrës mysafire e cila ka shënuar fitore me rezultat 2-0 me golat e Pogrebnyak (34’) dhe Danny në fund të ndeshjes.
 




____________
\"Mos shikoni kishat as xhamijat se feja e shqiptarit eshte shqiptaria.\"

hallall juve nuk ma hante mendja qe do te fitonte mbreme
 

Nata magjike e juventinit ka zënë faqet e para të shtypit sportiv pas dygolëshit ndaj Madridit

Të mërkurën në mbrëmje, të gjithë në Bernabeu janë ngritur në këmbë për të, ndërsa dje, një ditë pas ndeshjes, të gjitha faqet e para të gazetave sportive i janë dedikuar atij. Aleks Del Piero nuk mbaron së mahnituri. Pas dygolëshit në Champions kundër Realit të Madridit, Spanja ka celebruar natën magjike të kapitenit juventin. Gjuha e Aleksit shihet në të gjitha gazetat iberike. Sajti i së përditshmes "Marca" hapet me festimin e Del Pieros dhe titullon: "Del Piero mposht Realin e Madridit".

"Pinturikio" është përkufizuar si "ylli" i bardhezinjve, ndërsa "As" ka nënvizuar ndeshjen katastrofike të bërë nga merenges, duke vënë si titull kryesor "Probleme në horizont", nën fotografinë e një Rauli "të dëshpëruar". Më pas i përulet Del Pieros, që "ka dënuar" Realin në Bernabeu. Elozhe ka pasur edhe për Ranierin, që "e ka shpartalluar Madridin" me anë të presingut dhe një linje shumë të lartë difensive. Edhe "El Pais" i ka bërë homazh dygolëshit të Del Pieros, që "fundos Madridin. Kapiteni veteran i Juventusit mposht ekipin e Shusterit", shkruan e përditshmja sapnjolle, duke shpjeguar se si një lojtar, pothuajse 34 vjeç, shpesh i kritikuar, është akoma i aftë "të mposhtë ekipet që taktitkisht nuk janë shumë të organizuara".

Ndërkohë, "Il Mundo Deportivo" shkruan se një Del Piero "i frymëzuar dhe me superklas sulmon Bernabeun". Duke qëndruar në Katalonjë për "Sport", një Del Piero "gjenial shkatërron një Real impotent". Gazetat amerikano-jugore ndërkohë flasin edhe për prezencën e Diego Armando Maradonës në Bernabeu, i cili të mërkurën në Madrid ka ndjekur drejtpërdrejt "spektaklin e Del Pieros", siç lexohet në sajtin e gazetës braziliane "Terra". Por nata e shkëlqyer e Del Pieros nuk ka kaluar pa u vënë re dhe të gjitha gazetat sportive, në çdo cep të botës, kanë dashur të celebrojnë karrierën e magjishme të kampionit bardhezi.
 




____________
\"Mos shikoni kishat as xhamijat se feja e shqiptarit eshte shqiptaria.\"