Tiranë- Igli Tare i ka dhënë sot lamtumirën futbollit. Futbollisti gjatë një deklarate për mediat ka thënë se ka pasur një ofertë nga Lacio dhe ka zgjedhur të punojë si drejtor teknik në këtë ekip.

Ish kapiteni i kombëtares shqiptare ka luajtur 10 vjet me përfaqësuesen e kuqezinjve. Largimi i tij nga futbolli vjen pas një karriere në Itali dhe në Gjermani.

“Doja të jepja një lajm që personalisht për mua nuk është shumë i mirë sepse sot do të jap dorëheqjen zyrtare nga futbolli I luajtur”- ka thënë në konferencën për shtyp Igli Tare.

Në këtë dorëheqje, Tare nuk ka ngurruar të bëjë falenderimet e rastit.

Ai ka falenderuar së pari babanë dhe dy trajnerët që e kanë ndihmuar në ecurinë e tij si futbollist. “Falenderoj Musa Fakun dhe Pëllumb Shaqirin, me të cilët para mundësinë për të mësuar abc-në e futbollit”- tha Tare.
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Ndonëse me një ritëm të tillë golash i ngjan më tepër një fantazisti sesa një sulmuesi, Igli Tare ka shënuar 30 gola në elitën e futbollit italian. Ai është golashënuesi i dytë shqiptar më i mirë në Serie A pas legjendës, Riza Lushta, i cila ka sigluar 73 gola në 174 ndeshje në vitet 1940-1946 me Juventusin. Pas Tares në këtë renditje vjen Naim Kryeziu, me 27 gola dhe Erjon Bogdani, me 24 gola. Goli i fundit i Igli Tares ka qenë ndaj Palermos, më 23 dhjetor 2007, gol i cili i dha jo vetëm barazimin skuadrës së Lacios, por në një farë mënyre prishi edhe "agjërimin" gati dyvjeçar të tij me fanellën e kryeqytetasve. Ish-kapiteni i kombëtares shqiptare nuk shënonte në kampionatin italian të futbollit në një ndeshje zyrtare që prej 8 janarit të 2006-s në ndeshjen Askoli-Lacio. Prej asaj ndeshje Tare ka numëruar plot 704 ditë kalendarike para se të shënonte sërish një gol, por me goxha peshë për skuadrën e Lacios.
Goli i 30-të
Ndonëse ishte menduar se mund të luante edhe si titullar ndaj Palermos më 23 dhjetor 2007, për shkak se mungonte edhe Pandev, përsëri trajneri Delio Rosi preferoi ta ulë në stol sulmuesin shqiptar. Vetëm në minutën e dhjetë të pjesës së dytë, Tare merr vendin e afrikanit Makiva. Në disfavor jo vetëm të dy golave, por edhe të një futbollisti më pak, për shkak të daljes me karton të kuq të Siviljas, Tare arriti t'i "falte" një pikë shumë të vlefshme skuadrës së tij dhe teknikut Delio Rosi. Sulmuesi shqiptar u vlerësua me notën 7.5 në atë takim.
Karriera
Igli Tare erdhi tek Breshia gjatë merkatos së verës në vitin 2000. Tek kjo skuadër ai luajti për tri sezone përkrah legjendës italiane Roberto Baxhio dhe sulmuesit Luka Toni. Me Breshian Tare zhvilloi 75 ndeshje, duke sigluar edhe 15 gola. Në merkaton e 2003-shit Igli Tare kaloi tek Bolonja, me të cilën luajti 55 ndeshje, duke shënuar 11 gola. Pas rënies në Serie B, shtatlarti shqiptar nënshkroi në kontratë 3-vjeçare me Lacion. Ndonëse priste që në kryeqytet të luante më shumë, këtu erdhi pothuajse mbyllja e kapitullit Serie A. Deri në fund të këtij sezoni, Tare ka luajtur në 53 ndeshje, shpeshherë si zëvendësues duke shënuar 4 gola.
Kombëtarja
Mosaktivizimi me skuadrën e Lacios solli edhe largimin e bujshëm të tij nga kombëtarja shqiptare. U shkrua shumë për mosgrumbullimin e Tares në ndeshjen me Slloveninë dhe Bullgarinë, por ish-trajneri Oto Bariç kishte një kartë të fortë në dorë; aktivizimin e sulmuesit në vetëm një ndeshje me skuadrën e Lacios, ndërkohë që Alban Bushi në Greqi kishte shënuar plot nëntë gola me Apollon Kallamaria. Sipas Tares, problemi më i madh i tij ishte trajneri Delio Rosi, i cili nuk e shikonte si një futbollist të denjë për skuadrën e tij. Por nga ana tjetër, ai nuk pranoi që Tare të largohej gjatë merkatos së janarit nga kryeqyteti në drejtim të një skuadre tjetër. Me përfundimin e kontratës në 30 qershor të këtij viti, Tares në vend të një rinovimi iu ofrua një post drejtuesi të cilin ai e pranoi.

Igli Tare, drejtori i ri teknik i Lacios

Ish-kapiteni i kombëtares shqiptare dhe sulmuesi i Lacios në kampionatin italian, Igli Tare i ka thënë lamtumirë futbollit të luajtur për të marrë një rol drejtuesi në klubin italian. Pas një karriere të gjatë futbollistike, Tare ka pranuar një kontratë 2-vjeçare nga Lacio, si drejtor teknik. Në konferencën për shtyp Tare sqaroi se teksa nuk kishte ende licencën për këtë post, do të gjente një mënyrë me drejtuesit e Lacios, me qëllim që ai të vazhdonte pa probleme punën e tij tek ky klub, tashmë si drejtues. Tare ka pohuar se do të mundohej që të afronte në elitën e futbollit italian lojtarë të talentuar nga Shqipëria duke u dhënë atyre më shumë se një mundësi.

Skeda
Datëlindja: 25.07.1973; Vendlindja: Vlorë, Shqipëri; Shtetësia: Shqiptare: Gjatësia: 1.91 m; Pozicioni si futbollist: Sulmues; Pozicioni aktual: Drejtor teknik i Lacios
Karriera futbollistike
1993-1994: Partizani, Shqipëri
1994-1995: Waldhof Mannheim, Gjermani
1995-1996: SV Ludëigshafen, Gjermani
1996-1997: Karlsruher, Gjermani; 8 ndeshje, 0 gola
1997-1999: Fortuna Dusseldorf, Gjermani; 63 ndeshje, 24 gola
1999-2001: Kaiserslautern, Gjermani; 26 ndeshje, 4 gola
2001-2003: Brescia, Itali; 75 ndeshje, 15 gola
2003-2005: Bologna, Itali; 55 ndeshje, 11 gola
2005-2006: Lazio (huazim), Itali; 22 ndeshje, 3 gola
2006-2008: Lazio, Itali; 31 ndeshje, 1 gol
Në Kupat e Evropës
99-00: Kaiserslautern, Kupa UEFA: 3 ndeshje, 0 gola
00-01 (janar): Kaiserslautern, Kupa UEFA:2 ndeshje, 1 gol
2007-2008: Lacio, Kupa e Kampioneve: 1 ndeshje, 0 gola
Me kombëtaren:
1997-2007: 67 ndeshje, 10 gola

Shqiptarët që kanë luajtur në Serinë A

1) Naim Kryeziu
1941-1942, Roma: 122 ndeshje, 27 gola
2) Riza Lushta
1939-1940 Bari; 1941-1942 Juventus; 1945-1946 Napoli: 174 ndeshje, 73 gola
3) Loro Boriçi
1948-1949 Lacio, 1949-1950 Roma
4) Igli Tare
2000-2003 Breshia, 2003-2005 Bolonja, 2005-2008 Lacio: 183 ndeshje, 30 gola
5) Erjon Bogdani
2000-2005 Rexhina (2001-2002 me Rexhinën, por në Serie B, 2003-2004 në huazim tek Salernitana në Serie B), 2005-2006 Siena, 2006-2007 Kievo: 124 ndeshje, 24 gola
6) Ervin Skela
2006-2007 Askoli: 7 ndeshje, 0 gola
7) Xhulian Rrudho
2006-2007 Kievo: 1 ndeshje, 0 gola
8  Valon Behrami
2005-2008 Lacio: 64 ndeshje, 4 gola
9) Edgar Çani
2008-në vazhdim, Palermo: 1 ndeshje, 0 gola
Nuk kanë debutuar: Samir Ujkani (Palermo) dhe Rijat Shala (Kaljari)

Gjermanja që pushtoi zemrën e Igli Tares

Quhet Sandra Kraft. Por që në vitin 2003 është bërë Sandra Tare. Bashkëshortja e një prej ish-futbollistëve më të shquar shqiptarë, është një brune gjermane, që kupton shumë mirë shqip, e që s'e ka hiç për zemër futbollin. Por, që si shumë prej atyre që u bie për hise një bashkëshort futbollist, përpiqet me mish e me shpirt t'i japë gjithë mbështetjen, sigurinë e qetësinë që i nevojitet të shoqit. "Jemi njohur në barin e një shqiptari nga Kosova në Kaiserslautern të Gjermanisë", tregon sulmuesi i kombëtares në një intervistë të kohëve më parë për "Tirana Observer". Ishte viti 1999, kur Tare sapo kishte lënë Fortuna Dyseldorf-in dhe ishte futur në radhët e gjermanëve të Kaiserlauternit. "Pas tre vitesh bashkëjetesë, morëm vendimin për t'u martuar". Pakkush mund ta ketë harruar ceremoninë e bujshme që u zhvillua në Bashkinë e Tiranës në maj të vitit 2003. Jo vetëm tifozët e panumërt të Tares, por edhe ata që s'kanë haber nga futbolli, ndoqën me ëndje celebrimin e çiftit simpatik në prezencën e të parit të Bashkisë, Edi Rama. Më pas, dasma dhe ardhja në jetë e Etienne Noel-it, djalit të vetëm të çiftit. Kopje e zbukuruar e të atit, Etienne Noel, nuk mund të hasë asnjë rezistencë. Biond, sykaltrosh e me lëkurën bardhoshe si pambuk, ai është i pari i familjes Tare. Që në këtë moshë flet tri gjuhë, gjermanisht, italisht dhe shqip. Por përveç zgjuarsisë, sedrën e të atit e përkëdhel dhe pasioni i tij për sportin. "Është shumë i dhënë pas futbollit", thotë për të voglin, futbollisti Tare. Ai tregon se në vilën e tyre në zonën rezidenciale, 40 kilometra larg Romës (pronë e mikut dhe lojtarit të famshëm italian, Di Biaggio) ka ngritur edhe një minifushë me porta plastike për të birin. Etienne Noeli, në pamundësi për të shkuar ngado ku luan i ati, e ndjek bashkë me të ëmën nëpërmjet televizorit. "E vlerësoj shumë Sandrën për mbështetjen që më jep vazhdimisht në karrierën time", thotë Tare. Ndërrimet e shpeshta të banesave, qyteteve, shteteve si dhe koha e kufizuar për shkak të stërvitjeve e ndeshjeve, janë vështirësitë që duhet të përballojë familja e një futbollisti.
 




____________
\"Mos shikoni kishat as xhamijat se feja e shqiptarit eshte shqiptaria.\"

Me lojtar koti nuk kam par