Aeroplanët luftarakë rusë kanë bombarduar një bazë ajrore në afërsi të Tbilisit. Një autokolonë me 150 automjete, autoblinda dhe tanke ruse, ka hyrë pasditen e sotme në territorin e Osetisë Jugore. Zyrtarët e sigurisë të Gjeorgjisë kanë konfirmuar se aeroplanët luftarakë rusë kanë bombarduar bazën ushtarake ajrore Vaziani, jashtë kryeqytetit Tbilisi. Zyrtari i sigurisë, Kakha Lamaia tha se askush nuk është lënduar në sulmin, por disa ndërtesa janë shkatërruar.

Mediat gjeorgjiane theksuan se në bazën ushtarake Vaziani ndodhen trupa të Shteteve të Bashkuara, të cilat ndihmojnë në trainimin e forcave gjeorgjiane. Ministrja e Jashtme, Ekaterine Tkeshelashvili tha se Gjeorgjia u bën thirrje liderëve botërorë që t'i bëjnë presion Moskës të ndalë "agresionin e drejtpërdrejtë ushtarak" në territorin gjeorgjian.

Presidenti i Gjeorgjisë Mikhail Saakashvili tha se një autokolonë me 150 automjete, autoblinda dhe tanke ruse ka hyrë pasditen e sotme në territorin e Osetisë Jugore, rajon separatist i Gjeorgjisë ku po zhvillohen luftime të rënda ndërmjet separatistëve dhe forcave qeveritare. Saakashvili gjithashtu tha se forcat gjeorgjiane kanë rrëzuar dy aeroplanë luftarakë rusë.

Kryeministri i Rusisë Vladimir Putin dhe presidenti Dmitry Medvedev janë kërcënuar se do t'i kundërpërgjigjen ofenzivës së forcave të Gjeorgjisë në rajon, duke thënë se atje po derdhet gjaku i qytetarëve rusë. Në Pekin, Putin dënoi "aksionet agresive" të trupave gjeorgjiane dhe akuzoi Tbilisin për fillimin e armiqësive duke përdorur tankset dhe artilerinë. Medvedev ndërkaq tha se Rusia nuk do të lejojë që vdekjet e qytetarëve rusë të mbeten të pandëshkuara.

"Aksionet e palës së Gjeorgjisë kanë shkaktuar humbjen e jetës së njerëzve, përfshirë të paqëruajtësve rusë. Situata ka arritur shkallën kur paqëruajtësit nga pala gjeorgjiane kanë hapur zjarr ndaj paqëruajtësve rusë, me të cilët po e kryejnë misionin e tyre paqëruajtës në rajon", tha Medvedev. Ndërkohë, komandanti i paqëruajtësve rusë atje tha se disa trupa ruse janë vrarë sot nga zjarri artilerik i Gjeorgjisë. Ai tha se kryeqyteti i Osetisë Jugore, Tskhinvali, është "shkatërruar pothuajse plotësisht" nga artileria dhe sulmet ajrore gjeorgjiane.

Më herët, presidenti i Gjeorgjisë Mikheil Saakashvili bëri thirrje për "mobilizim të përgjithshëm" të forcave ushtarake, duke thënë se vendi i tij po përballet me "intervenim ushtarak të shkallës së gjerë" nga trupat ruse. "Shpall mobilizimin e plotë në Gjeorgji, mobilizimin e plotë të rezervistëve. Çdonjëri duhet të paraqitet në qendrat rekrutuese. Ne duhet ta shpëtojmë vendin tonë së bashku", tha ai në adresimin televiziv.

Saakashvili tha se aeroplanët ushtarakë rusë kanë bombarduar dy qytete gjeorgjiane. Ai u bëri thirrje trupave ruse të ndërpresin sulmet ajrore dhe tha se trupat e Gjeorgjisë kanë marrë nën kontroll "pjesën më të madhe" të kryeqytetit të rajonit separatist të Osetisë Jugore. Gjatë ditës, qeveria e Gjeorgjisë shpalli armëpushim të njëanshëm tre orësh në Osetinë Jugore, në mënyrë që civilët të mund të largohen nga zonat e luftimeve. Shkallëzimi i sotëm i situatës pasoi përpjekjen e dështuar të mbrëmshme Rusisë që të miratohet një rezolutë në mbledhjen urgjente të Këshillit të Sigurimit të Kombeve të Bashkuara në Nju Jork.

Shtëpia e Bardhë kë bërë thirrje për përfundimin e gjakderdhjes dhe bisedime të drejtpërdrejta. OSBE-ja tha se është në kontakt me të dyja palët, ndërsa Bashkimi Evropian shprehu shqetësim dhe u bëri thirrje "të gjitha palëve që të përfshihen" në ndalimin e dhunës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Mbi 2000 të vdekur është bilanci i fundit i situatës në Gjeorgji, ndërkohë që parlamenti i këtij vendi ka shpallur gjendjen e luftës. Janë thirrur nën armë rezervistët, ndërkohë që dy palët vazhdojnë të luftojnë me tanke dhe avionë.

Atletët gjergjianë në Lojrat Olimpike, kane kerkuar te braktisin ato dhe te kthehen ne atdhe, por nje mesazh personal i Shakashvilit, i ka mbajtur ne Pekin. Gjoergjia nderkohe ka terhequr 2 mije trupat e veta nga Iraku.

Ndërkohë që situata luftarake është ende e paqartë, mes Gjeorgjisë dhe Rusisë – kjo e fundit, (padrone tradicionale e osetiano-jugorëve), ka filluar një luftë paralele propagandistike dhe mediatike. Kjo nuk do ta bëjë më të lehtë gjetjen e një zgjidhjeje politike në këtë konflikt. Ndoshta konflikti mund të çojë edhe më tej procesin e tëhuajëzimit mes perëndimit dhe Rusisë.

Presidenti gjeorgjian, Sakashvili e paraqet ndërmarrjen e veprimeve ushtarake kudnër regjimit në Osetinë jugore si një aksion legjitim. Dhe nga njëri këndvështrim juridik nuk është se nuk ka të drejtë. Sepse formalisht Republika e Osetisë jugore e panjohur ndërkombëtarisht, i përket shtetit të Gjeorgjisë, edhe pse Tbilisi faktikisht e ka humbur kontrollin aty që prej 15 vjetësh. Banorët ndërkohë kanë të gjithë pashaporta ruse.

Interesante të ndjekësh se si Sakashvili si argument për ofensivën ushatarake përdor të njëjtat parulla me të cilat Rusia ka justifikuar ndërhyrjen e saj në Çeçeni. "Rivendosje e rregullit kushtetues" në Gjeorgji. Sipas Sakashvilit ndërhyrja ruse në Osetinë jugore është deklarim luftë ndaj Gjeorgjisë dhe një përzierje në çështjet e brendshme të një shteti sovran fqinj. Ai shpreson në mbështetjen e perëndimit, veçanërisht të amerikanëve kundër agresorit rus, sipas tij.

Gati në të njëjtën mënyrë përpiqet ta argumentojë edhe Rusia politikën e saj. Duke u mbështetur tek argumentimi që i bëri Perëndimi ndërhyrjes ushatarake të NATO-s kundër Serbisë në mbrojtje të kosovarëve, politika ruse e paraqet ndërhyrjen e saj në Gjeorgji si një "intervenim humanitar". Nga ana tjetër, Moska thotë se duhet të mbrojë "jetë ruse" dhe të përforcojë trupat e paqes.

Edhe sikur të çalojë krahasimi mes intervenimit të NATO-s në luftën në Kosovë, ku u bë fjalë për pengimin e gjenocidit ndaj kosovarëve - dhe ndërhyrjes ruse, prapë formula e intervenimit humanitar nga pala ruse zë vend më qëllim që të justifikohen bombardimet e qyteteve gjeorgjianë dhe infrastrukturës.

Dhe në rast të një intervenimi ushtarak të suksesshëm në Osetinë jugore, po sipas skenarit të Kosovës, arsyetohet pavarësia e Osetisë jugore dhe bashkimi i mëvonshëm me Rusinë. Po tu vësh veshin "urra" -ve dhe atmosferës patriotike në Rusi një fund i tillë i këtij skenari do të gjente mbështetje në shoqërinë ruse, e cila ende është e traumatizuar nga rrëzimi i Bashkimit Sovjetik.

Se si do të marrë fund ushtarakisht konflikti dhe se si do të jenë zhvillimet e ardhshme politike nuk bëhet dot aktualisht si profeci. Por një gjë është e qartë: Të dyja palët kanë mësuar nga njëra -tjetra por nuk kanë kuptuar asgjë. Tëhuajëzimi mes Rusisë dhe Gjeorgjisë, mes Rusisë dhe Perëndimit do të thellohet edhe më tej me luftën në Osetinë Jugore.
 




____________
\"Mos shikoni kishat as xhamijat se feja e shqiptarit eshte shqiptaria.\"

Çështja e Osetisë së Jugut i ka ndërlikuar marrëdhëniet mes tyre. Osetia është një zonë e banuar me rusë dhe me gjeorgjianë. Historia e kësaj krahine separatiste nis që në periudhën e Bashkimit Sovjetik, ndërsa përplasjet e mëdha kanë nisur vetëm kohët e fundit. Osetia ka mbështetje të fortë të Rusisë, ndërsa është pjesë e Gjeorgjisë. Kjo është molla e sherrit midis shtetit gjeorgjian, i cili kërkon mbajtjen e kësaj krahine nën hartën e vetë dhe kundërshtinë e fortë nga ana tjetër të Rusisë, e cila është e gatshme edhe me luftë për ta mbrojtur atë.

Shtetet e Bashkuara të Amerikës dhe vendet perëndimore e kanë kritikuar shpesh Moskën për ndërhyrjet e saj në punët e brendshme të Gjeorgjisë, ndërsa Rusia putiniane nuk ka bërë mbrapa në këtë pikë, duke i qëndruar fortë idesë së tyre. Viktimat e fundit nuk janë të parat në këtë zonë, ndërsa ato shënuan konfliktin e radhës midis dy vendeve fqinje.
Konflikti
Është një konfliktet që ka ekzistuar prej kohësh. Të dy këto vende pretendojnë të jenë "pronarë" të asaj krahine, e cila banohet si nga rusët dhe nga gjeorgjianët. Historia e pavarësisë së tyre është e hershme,  Osetia e Jugut dhe Abkazia, një tjetër republikë separatiste e Gjeorgjisë, shpallën pavarësinë nga Gjeorgjia pas luftërave në fillim të viteve 1990. Asnjë vend nuk e ka njohur pavarësinë e tyre. Gjeorgjia është zotuar se do t'i rivendosë ato nën kontrollin e qeverisë qendrore. Është një situatë pak a shumë e ngjashme si ajo e Kosovës. Rusia dëshiron të mbajë nën mbikëqyrje Çeçeninë rebele, ajo gjithashtu dëshiron një mjet për të marrë pjesën e Abkhazias dhe Osetisë Jugore nga Gjeorgjia. Rusia po përpiqet të vendosë një shenjë të papranueshme nga Perëndimi.
Reagime
Përshkallëzimi i krizës mes Rusisë e Gjeorgjisë ka shkaktuar një mori reagimesh diplomatike anekënd botës. Shtetet e Bashkuara kanë bërë thirrje për një armëpushim të menjëhershëm, i kanë kërkuar Rusisë të respektojë integritetin territorial të Gjeorgjisë dhe të tërheqë trupat tokësore nga territori gjeorgjian. Emisarë nga SHBA-të, BE-ja dhe OSBE-ja pritet të ndërmjetësojnë për një armëpushim. Ministri i Jashtëm i Francës, Bernard Kouchner, vendi i të cilit ka presidencën e radhës të BE-së, tha se gjendja ishte e rëndë dhe se kërkoheshin masa të shpejta. Këshilli i Sigurimit i OKB-së u mblodh përsëri në një seancë emergjente për të diskutuar krizën, por nuk mori asnjë vendim.

Reagimet

Xhorxh Bush, President i SHBA-së
Presidenti amerikan Xhorxh Bush ka kërkuar që të respektohet integriteti kombëtar i Gjeorgjisë. Në një prononcim për media nga Pekini, Bush shprehu shqetësimin lidhur me situatën e krijuar në Osetinë e Jugut. Ai i bëri thirrje Moskës zyrtare të ndalojë menjëherë dhunën ndaj popullsisë gjeorgjianë dhe të tërheq trupat nga territori i këtij vendi. "Po ndjekim me shqetësim mjaft të madh situatën e krijuar. Duhet që të respektohet integriteti i Gjeorgjisë dhe t'i jepet fund dhunës në këtë vend", tha Bush

Dimitri Medvedev, Ppresidenti Rus
Presidenti rus, Dimitri Medvedev ka deklaruar se nuk do të ketë asnjë lloj kompromisi për tërheqjen e Rusisë, nëse Gjeorgjia nuk tërheq trupat e saj nga zona e nxehtë. Ai nuk ka pranuar as këshillat e Shteteve të Bashkuara të Amerikës, duke kundërshtuar vetë Presidentin Xhorxh Bush në një bisedë telefonikë që zhvilloi me të. "Presidenti rus ka theksuar në mënyrë të veçantë se e vetmja mënyrë për të dalë nga kriza tragjike që është provokuar nga udhëheqja gjeorgjiane, është tërheqja e trupave të Tbilisit nga zona e konfliktit", thuhej në një deklaratë shtypi të Kremlinit

Aleksander Stubb, kryetari i OSBE-së
OSBE shprehet pesimiste për një paqe të mundshme midis Rusisë dhe Gjeorgjisë. Kryetari i radhës për OSBE-në, ministri i Jashtëm finlandez, Aleksander Stubb, në një intervistë për gazetën "Aamulehti" u shpreh se "gjithmonë shpresojmë që të ketë një rrugë paqësore të situatës. Por pika në të cilën kemi arritur, duket se nuk parashikon një armëpushim midis palëve, të paktën kjo për një periudhë të shkurtër.

Mihail Sakashvili, Presidenti i Gjorgjisë
Presidenti i Gjeorgjisë ka deklaruar se tashmë është në luftë me Rusinë. Gjatë mbledhjes së Këshillit të Sigurimit Kombëtar të transmetuar drejtpërsëdrejti në televizion, Sakashvili u shpreh se Rusia prej kohësh ka tentuar pushtimin e territorit gjeorgjian. "Tani po e them hapur dhe shkurt: Jemi në luftë me Rusinë", tha ai. Sipas tij, Rusia gjithmonë ka tentuar të nxisë konflikt me Gjeorgjinë. "Na qëlluan majtas, nuk folëm. Na qëlluan djathtas, përsëri nuk folëm. Tashmë ka ardhur koha kur t'i themi "ndal" represionit rus", vijoi ai.

Kronologji

3 prill 2008 - Vendet anëtare të NATO-s në një samit të zhvilluar në Bukuresht ranë dakord që Gjeorgjia dhe Ukraina mund të anëtarësoheshin një ditë në Aleancën Transatlantike, megjithëse nuk iu dha asnjë afat lidhur me këtë anëtarësim. Vendim që shkaktoi jo pak reagime në Moskë.

16 prill - Presidenti rus, Vladimir Putin urdhëroi zyrtarët e tij të ndërtonin marrëdhënie gjysmëzyrtare me administratat separatiste në Abkazi dhe Osetinë e Jugut (Gjeorgji). Kjo e fundit u shpreh se urdhri përbënte shkelje të ligjit ndërkombëtar.

20 prill - Gjeorgjia njoftoi se një avion luftarak rus tip Mig-29 rrëzoi një avion të telekomanduar gjeorgjian që fluturonte mbi Abkazi. Rusia mohoi përfshirjen megjithëse një raport i Kombeve të Bashkuar mbështeti më vonë versionin gjeorgjian të ngjarjeve.

21 prill - Gjeorgjia akuzoi Rusinë për rrëzimin e avionit të telekomanduar gjeorgjian si një akt agresioni ndërkombëtar, por Moska u kundërpërgjigj duke argumentuar se Gjeorgjia po krijonte qëllimisht tensione.

29 prill - Rusia dërgoi trupa shtesë në Abkazi për t’iu kundërvënë sipas saj planeve gjeorgjiane për një sulm të mundshëm. Një ditë më vonë, NATO akuzoi Moskën për nxitje tensionesh me Gjeorgji.

4 maj - Separatistët në Abkazi njoftuan se kishin rrëzuar dy avionë spiunë gjeorgjianë që fluturonin mbi territorin e kontrolluar nga ata, por Gjeorgjia e mohoi ekzistencën e avionëve të tillë.

6 maj - Gjeorgjia u shpreh se dislokimi i trupave shtesë ruse në Abkazi e kishte sjellë fare pranë perspektivën e një lufte. Kjo do të vërtetohej disa muaj më vonë kur realisht midis këtyre vendeve filloi një luftë.

30 maj - Gjeorgjia njoftoi se kishte ndalur fluturimet e avionëve spiunë pa pilot mbi Abkazi, por rezervonte të drejtën për t’i rifilluar ato. Këto ishin shenjat e parë të një sulmi nga ajri.

31 maj - Putin, tashmë kryeministër, u shpreh se mbështeste propozimin gjeorgjian për një autonomi dhe jo pavarësi të plotë për Abkazinë. Këtë krahinë Rusët nuk do ta linin dot asnjëherë në dorë të Gjeorgjisë.

5 korrik - Presidenti i ri rus, Dmitry Medvedev i bëri thirrje homologut gjeorgjian, Mikhail Sakashvili për vetëpërmbajtje nga nxitja e tensioneve në rajonet separatiste gjeorgjiane.

8 korrik - Avionë luftarakë rusë shkelën hapësirën ajrore gjeorgjiane mbi Osetinë e Jugut. Moska u shpreh se misioni synonte të zbuste tensionet në Tbilisi. Dy ditë më vonë, Gjeorgjia e tërhoqi ambasadorin e saj nga Moska në shenjë proteste.

4 gusht - Rusia akuzoi Gjeorgjinë për përdorim të tepruar force në Osetinë e Jugut, pasi rebelët e mbështetur nga Rusia njoftuan se artileria gjeorgjiane kishte vrarë të paktën gjashtë persona.

7 gusht - Shefi i paqeruajtësve rusë në rajon citohet të jetë shprehur se Gjeorgjia dhe separatistët e Osetisë së Jugut kishin rënë dakord për një armëpushim deri në zhvillimin e bisedimeve të ndërmjetësuara nga Rusia.

8 gusht - Gjeorgjia deklaroi se forcat e saj kishin çliruar pjesën më të madhe të kryeqytetit të Osetisë së Jugut, Tskhinvali, dhe akuzoi Rusinë për operacione në shkallë të gjerë kundër Gjeorgjisë.

8 gusht- Në po këtë datë reagojnë diplomacia Ruse. Kryeministri rus, Vladimir Putin u kundërpërgjigj ashpër, duke deklaruar se nuk do të rrinte duarkryq. Menjëherë avionë rusë goditën bazat gjeorgjiane.

8 gusht- Shënohen viktimat e para në luftën midis Rusisë dhe Gjeorgjisë. Shesh beteja e këtij sulmi nga ana e Rusisë ishte krahina e Ostisë, të cilën pretendojnë ta kenë të dy palët.
 
9 gusht- Rusia ka dërguar forca të tjera ushtarake drejt Osetisë Jugore. Gjatë natës janë dërguar drejt zonës së nxehtë të tjera forca ushtarake. Gjenerali rus, Igor Konashenkov ka deklaruar se “Rusia kërkon arritjen e paqes në rajon”.

9 gusht- Avionët ushtarakë rus, gjatë sulmeve të qendrave ushtarake gjeorgjiane në Osetinë e Jugut kanë goditur një ndërtesë ku jetonin civilë. Sipas të dhënave paraprake, mësohet se janë shkaktuar edhe dëme njerëzore.

 

Rusi-Gjeorgji, Lufta e ftohtë bëhet e nxehtë

Zyrtarisht Rusia dhe Gjeorgjia janë në luftë me njëra-tjetrën. Janë shfaqur pamjet e para të një lufte reale mes këtyre dy shteteve. Deri më tani janë shënuar mijëra viktima nga shpërthimet mbi Gjeorgjinë. Kjo situatë e ka detyruar Gjeorgjinë dhe Kuvendi i saj  ka miratuar gjendjen e luftës të propozuar nga presidenti Mikhail Sakashvili. Sipas ligjit të miratuar, Gjeorgjia do të jetë në gjendje lufte për 15 ditë. Vendimi erdhi pas kërkesës së presidentit Sakashvili në mbledhjen e Këshillit të Sigurimit Kombëtar. Atje ai u shpreh se Rusia gjithmonë ka tentuar të nxisë konflikt me Gjeorgjinë. "Na qëlluan majtas, nuk folëm. Na qëlluan djathtas, përsëri nuk folëm. Tashmë ka ardhur koha kur t'i themi "ndal" represionit rus", vijoi ai. Sakashvili shtoi se tashmë nuk ka mbetur gjë për të fshehur nga populli. "Jemi në një moment historik për kombin tonë dhe për këtë duhet të jemi të bashkuar. Sot do të kërkoj edhe miratimin nga Kuvendi të ligjit mbi gjendjen e jashtëzakonshme", tha ai.
Lufta
Pas tri ditë luftimesh, flitet për disa qindra viktima në Tskhinval, Rusia po dërgon trupa shtesë në rajonin e shkëputur gjeorgjian të Osetisë Jugore. Vendimi pason një natë tjetër luftimesh mes forcave ruse dhe atyre gjeorgjiane.  Presidenti, Dimitri Medvedev tha se trupat ekzistuese ruse në rajon po kryenin operacione paqeruajtëse, duke mbrojtur civilët.  Më herët, zyrtarët gjeorgjianë thanë se aeroplanët luftarakë rusë kishin bombarduar qytetin Poti në Detin e Zi. Një pjesë e luftimeve janë zhvilluar përreth kryeqytetit të Osetisë Jugore, Tskhinvali, që, sipas autoriteteve gjeorgjiane, kontrollohet nga trupat e tyre. Të premten, Rusia dërgoi qindra trupa të mbështetura me tanke dhe artileri në Osetinë Jugore pas nisjes së një ofensive të papritur të Gjeorgjisë kundër separatistëve. Presidenti i Gjeorgjisë, Sakashvili thotë se qindra gjeorgjianë janë vrarë gjatë luftimeve dyditore, ndërsa Moska thotë se numri i viktimave është pesëmbëdhjetë. Autoritetet gjeorgjiane njoftojnë për evakuimin e disa ndërtesave qeveritare në kryeqytetin e vendit, Tbilisi.
Gjeorgjia
2 mijë ushtarë paqeruajtës gjeorgjianë që gjendjen në Irak, do të kthehen në vendin e tyre. Lajmin e konfirmoi zëdhënësi i Ushtrisë Amerikane në Irak, Charles Calio, i cili u shpreh se janë bërë të gjitha përgatitjet për kthimin e tyre në Gjeorgji. Ndërkohë, një ushtarak amerikan ka pohuar se Tbilisi ka kërkuar ndihmën e Uashingtonit për kthimin sa më të shpejtë të ushtarëve në Gjeorgji. Në një intervistë për CNN-in, presidenti gjeorgjian Mikail Sakashvili u shpreh se paqeruajtësit e vendit të tij në Irak do të kthehen në Osetinë e Jugut për t'u përballur me sulmet ruse.
 

TBILISI – “Pjesa më e madhe e operacionit për të detyruar Gjerogjinë drejt paqes u bë dhe tani Tskhinvali është në kontrollin e forcave ruse”. Kështu është shprehur presidenti i Rusisë, Dmitri Medvedev, ndërkohë që presidenti gjeorgjian Mikhail Saakashvili, firmoste armëpushimin nën syrin e ministrit të Jashtëm francez, Kouchner, i nisur nga UE.

Por konflikti vijon të mbetet, pasi kryeministri rus, Vladimir Putin ka akuzuar SHBA-të për ndërhyrje në Gjeorgji. Sipas tij, avionët amerikanë po sjellin në Gjeorgji trupa të posaçme.

Përgjigja e Moskës

Rusia ka sqaruar se armëpushimi është pranuar vetëm me tërheqjen e plorë të foracev gjeorgjiane nga Ossezia. Për këtë është bërë një marrëveshje mes Tbilisit dhe vetë provincës. “Rusët do të mbrojnë qytetarët e tyre. Edhe në të ardhmen do të bëjmë të pamundën për të mbrojtur jetën e dinjitetin e qytetarëve rusë”- ka deklaruar kreu i Cremlinit.

Saakashvili

“90% e viktimave gjeorgjiane janë civilë. I kam parë me sytë e mi. Për hir të zotit duhet të ndaloni”- u është përgjigjur Saakashvili, që ka konfirmuar se përfaqësuesit e UE-së, të hënën në mbrëmje do të tentojnë të bindin autoritetet në Moskë. Por, sipas ministrit të jashtëm rus, e ardhmja e marrëveshjes është në dorë të popullit gjeorgjian.
 

Shpërthime në qytetin gjeorgjian të Gorit. Lajmin e ka bërë të ditur Reuters, sipas të cilit nga shpërthimi janë regjistruar viktima. Bombat janë hedhur nga aeroplanët rusë, duke vrarë të paktën pesë civilë dhe plagosur disa të tjerë.

Një fotograf i agjencisë Reuters tha se pas sulmeve me bombë kishte parë pesë trupa dhe katër njerëz të plagosur në rrugë. Ai tha se dy prej të vrarëve ishin gazetarë.

Sipas raportimeve nga terreni thuhet se sulmet me bombë u kryen pa paralajmërim. Të gjitha dyqanet ishin mbylluar, por një grup i vogël banorësh ishin parë në rrugë.

Sulmet me bombë ndodhën para dhe pas nesh", tha gazetari, duke shtuar se disa njerëz janë të plagosur dhe ndodhen në rrugë.


Bush: Nderhyrja ruse, e gabuar

Presidenti Bush ka dënuar Rusinë për dërgimin e trupave në Gjeorgji dhe ka bërë thirrje për respektimin e integritetit territorial të Gjeorgjisë.

Në një deklaratë para gazetarëve në Shtëpinë e Bardhë, pak orë pas kthimit nga vizita në Kinë, zoti Bush tha se veprimet të tilla ishin të papranueshme në Shekullin e 21-të.

Qëndrimi amerikan

"Veprimet e Rusisë këtë javë kanë ngritur një sërë pyetjesh serioze për qëllimet e saj ne Gjeorgji dhe në rajon. Këto veprime e kanë dëmtuar rëndë figurën e Rusisë në botë dhe rrezikojnë marrëdhëniet e Rusisë me Shtetet e Bashkuara dhe Europën. Është koha që Rusia ta mbajë fjalën, dhe të veprojë për t'i dhënë fund kësaj krize", tha presidenti Bush.

Presidenti gjeorgjian, Mikhail Saakashvili, i tha një kanali televiziv britanik se vetëm fjalët nuk e ndihmojnë dot popullin gjeorgjian.

Qëndrimi gjeorgjian

"Mendoj se deklarata e Bushit ishte e fortë, por ne presim veprime konkrete nga Shtetet e Bashkuara dhe aleatët perëndimore. Është koha të mos bëhen vetëm deklarata për demokracinë, por të ndërmerren hapa konkrete për mbrojtjen e atyre njerëzve që po vuajnë nga përpjekjet për të jetuar në demokraci", kërkoi presidenti gjeorgjian, Mikhail Saakashvili.

Nga Moska kryeministri rus, Vladimir Putin tha se vendi i tij do ta çojë misionin drejt një përfundimi logjik. Ai akuzoi Shtetet e Bashkuara se po ndihmojnë Gjeorgjinë me kthimin e trupave të veta nga Iraku.

Qëndrimi rus

"Ne do të përpiqemi të ndërtojmë marrëdhënie bashkëpunimi me çdo pjesëmarrës në konflikt, duke përfshirë, natyrisht, edhe palën gjeorgjiane. Është për të të ardhur keq që disa nga partnerët tanë nuk po na ndihmojnë dhe, në fakt, po na pengojnë. Veç të tjerash, dua të përmend ndihmën amerikane për ridislokimin e kontigjentit ushtarak gjeorgjian nga Iraku, duke përdorur praktikisht aeroplane ushtarakë e të transportit në zonën e konfliktit", vërejti kryeministri rus, Vladimir Putin

Aktivitet diplomatik

Në kuadër të diplomacisë intensive për zgjidhjen e krizës, presidenti francez, Nicolas Sarkozy, vendi i të cilit ka presidencën e radhës së BE-së, takohet të martën me presidentin rus, Dimitry Medvedev në Moskë.

Zyra e zotit Sarkozy ka njoftuar se, më tej, ai do të shkojë në Gjeorgji për bisedime me Presidentin Saakashvili.

Ka njoftime se udhëheqësit e pesë vendeve ish-komuniste, nga Polonia, Ukraina, Lituania, Letonia dhe Estonia, planifikojne të shkojnë në Gjeorgji për të shprehur solidaritetin e tyre me zotin Saakashvili.

Vetë Moska ka bërë thirrje për bisedime urgjente me NATO-n për të diskutuar në lidhje me konfliktin.

Gjendja në terren

Njoftimet bëjnë të ditur se trupat ruse tani kontrollojnë disa ura dhe rrugë të rëndësishme në Gjeorgji dhe e kanë izoluar kryeqytetin Tbilisi.

Një korrepondent i BBC-së në Tbilisi thotë se forcat gjeorgjiane janë përqëndruar aty në pritje të ndonjë sulmi.

Banorët lokalë i ka zënë paniku dhe kanë zënë radha pranë pikave të karburantit dhe supermarkatave. (BBC)
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Rusia pushton Gjeorgjine
Rusia pushton Gjeorgjine

E Marte, 12 Gusht 2008

Moska ka konfirmuar dje pushtimin e qytetit gjeorgjian te Senakit, qe nuk gjendet ne rajonet separatiste. Tbilisi zyrtar tha se ruset kane pushtuar dhe qytetin e Gorit. Presidenti Saakashvili, kishte terhequr verejtjen se marrja e Gorit, i hap rruge pushtimit te Tbilisit.

Gjeorgjia ka kerkuar nga bashkesia nderkombetare te nderhyje pasi forcat ruse kane hyre thelle ne territorin e Gjeorgjise.

Apeli vjen ne kohen kur trupat dhe artileria ruse ka hyre ne perendim te Gjeorgjise nga rajoni separatist i Abkazise. Trupat ruse kane marre kontrollin e nje baze ushtarake gjeorgjiane. Presidenti i Gjeorgjise tha se forcat ruse e kane ndare vendin pergjysme duke vene nen kontroll autostraden kryesore lindje-perendim.

Ministria ruse e Mbrojtjes tha se operacionet ushtarake ruse kane arritur ne qytetin e Senakit. Burimet ruse thane se kjo levizje eshte e domosdoshme per te parandaluar forcat gjeorgjiane qe te ndermarrin sulme te reja kunder Osetises se jugut dhe Abkazise. Por burimet ruse mohuan se kane pushtuar qytetin e Gorit, i cili gjendet 45-50km larg kryeqendres se Osetise se Jugut. Lajmi per pushtimin e Gorit u be publik nga burimet zyrtare gjeorgjiane.

Luftime per Gorin jane zhvilluar dhe gjate dites se djeshme, tha presidenti Saakshvili. Duke folur per rendesine e Gorit presidenti i Gjeorgjise, gjate nje konference per shtyp tha: "Nje beteje e ashper po zhvillohet ne afersi te qytetit te Gorit. Dje forcat ruse u perpoqen te merrnin qytetin, i cili ka rreth 100 mije banore dhe gjendet 45-50km larg kryeqendres se Osetise se Jugut. Marrja ne dore e ketij qyteti do t'i kishte hapur rrugen tankeve ruse drejt kryeqytetit Tbilisit". Me tej ai shtoi: "Rusia e beri te qarte se cili eshte qellimi i ketij operacioni. Qellimi nuk eshte vetem te aneksoje pjese te Gjeorgjise, por te ndryshoje llojin e qeverisjes ne Gjeorgji", tha presidenti Saakashvili.

Edhe ndihmes nensekretari amerikan i Shtetit Mathew Bryza, i cili ka mberritur dje ne Gjeorgji, tha se forcat ruse e kane pergatitur me kohe planin per pushtimin e Gjeorgjise. "Ne degjuam se trupat ruse te hekurudhave hyne ne Abkazi disa muaj me pare ne mision humanitar. Tani ne e dime te verteten pse keto forca ishin atje. Forcat ruse ishin atje per te ndertuar hekurudhen qe do te lejonte transportin e municioneve dhe pajisjeve te tjera ushtarake qe do ndihmonin pushtimin rus", tha Bryza.

SHBA-te kane deklaruar se qellimi i Rusise eshte ndryshimi i qeverise ne Gjeorgji. Udheheqja aktuale gjeorgjiane synon anetaresimin ne strukturat euroatlantike, cfare kundershtohet nga Moska.

Trupat ruse futen ne Gjeorgji

Trupat ushtarake ruse kane avancuar ne territorin e Gjeorgjise nga rajoni separatist i Abkazise. Lajmi behet i ditur nga Ministria ruse e Mbrojtjes. Lajmi bie ne kundershtim me deklaratat e mehershme ruse se trupat nuk do kalonin pertej territorit te Osetise se Jugut. Gjeorgjia ka akuzuar Rusine se po godet caqe brenda territorit gjeorgjian dhe trupat e tyre kane shkelur sovranitetin e Gjeorgjise.

Forcat ruse pushtojne qytetin e Gorit

Forcat ruse kane pushtuar qytetin gjeorgjian te Gorit, i cili gjendet 45-50 km larg kryeqendres se Osetise se Jugut. Lajmi behet i ditur nga burimet gjeorgjiane. Gjate oreve te para te pasdites presidenti Saakashvili tha se perpjekjet e Rusise per marrjen e kontrollit te Gorit i hapin rrugen tankeve ruse drejt Tbilisit, kryeqytetit te Gjeorgjise.

Putini kritikon ashper SHBA-ne

Kryeministri rus Vladimir Putin ka kritikuar ashper Shtetet e Bashkuara, duke thene se mbeshtetja per Gjeorgjine ne konfliktin per Osetine e Jugut deshmon nje cinizem te jashtezakonshem. Putini akuzoi Shtetet e Bashkuara se po nxisin konfliktin duke transportuar 2000 trupat gjeorgjiane nga Iraku.
 

Po pse i ha **** ketyre gjeorgjanve   Nuk behet shaka me miellin e gjermanve  
 

SHBA-ja ka paralajmëruar Rusinë për pasojat e veprimeve të saj ushtarake në Gjeorgji. Por deri tani, përveç anulimit të manovrave ushtarake, shumë pak ka ndodhur.

SHBA nuk ka shumë pushtet të drejtpërdrejtë ndaj Moskës. Por a ka pushtet Rusia, a mund të detyrojë ajo Uashingtonin që të heqë dorë nga aleatja e tij, Gjeorgjia?

Ishte në fakt pikërisht kjo ajo që sugjeroi ministri i jashtëm Sergei Lavrov kur tha se SHBA-së i duhet të zgjedhë mes udhëheqjes gjeorgjiane ose asaj që ai e quajti, projekt virtual dhe partneritet të vërtetë me Rusinë.

SHBA dhe Rusia, sigurisht duhet të punojnë së bashku për çështje të tilla si Irani dhe Korea e Veriut dhe programet bërthamore të këtyre dy vendeve.

Por sekretarja e shtetit, Condoleezza Rice shumë shpejt i vendosi gjërat në kontekst duke thënë se Rusia po i bënte nder vetes, dhe jo SHBA.

“Moska ishte po aq e interesuar në stabilitetin e Lindjes së Mesme sa edhe Uashingtoni”- tha Rice, duke shtuar “Kështu që kush ka nevoje për kë?”

Kjo është një pyetje që do të debatohet për disa kohë, por për momentin pikëpamja nga Ëashingtoni është se më shumë do t'i kushtojë Rusisë.

Zyrtarët amerikanë këmbëngulin se Moska reagon po qe se merren masa konkrete për ta izoluar atë në skenën ndërkombëtare.

Nuk është më 1968-ta, thonë zyrtarët amerikanë, jo vetëm që Moska nuk shpëton dot më po qe se pushton një vend fqinj, por do të humbasë shumë, më shumë se sa ç'humbi Bashkimi Sovjetik 40 vjet më parë. (BBC)
 




____________
\"Mos shikoni kishat as xhamijat se feja e shqiptarit eshte shqiptaria.\"

Qe te dyja keto vende jane me mendesi komuniste ne veprimet e tyre dhe nuk ndjej aspak keqardhje per cka po ndodh midis te dyja shteteve.Qe te dy keto vende jane aspak dashamirese te kombit shqiptar.Rusia e ka treguar veten me kohe,por edhe gjeorgjia nuk e ka njohur pavaresine e kosoves.Perfundimisht them barkun cafshin me njeri tjetrin te gjithe ata qe sna duan.
 

Për shkak të propagandës, vëzhguesit e OSBE-së e kanë të pamundur që të sqarojnë situatën rreth spastrimeve etnike në Osetinë Jugore. Në selinë e OSBE-së në Vjenë, Gjeorgjia ka kritikuar rëndë Rusinë për këtë shkak.

Vetë nocioni zgjon kujtime të tmerrshme, ndërkohë që ministrja e jashtme e Gjeorgjisë, Eka Tekesshashvili e përdori disa herë. Rusia e ka spastruar etnikisht Osetinë Jugore, pohonte ministrja në selinë e përhershme të OSBE-së në Vienë. Populli i Gjeorgjisë ëshë dëbuar sistematikisht nga ky rajon. Ushtria ruse dhe forcat paraushtarake veprojnë sipas një modeli të njëjtë:

„Ata krijojnë një zonë me pika kontrolli, ku pas një kohe të shkurtër nuk respektohet më asgjë: njerëzit dëbohen, ndërsa shtëpitë e tyre shkatërrohen deri në themel, me qëllim që njerëzit të mos kenë ku të kthehen. Në këtë mënyrë ata vazhdojnë me spastrimet etnike, madje edhe jashtë zonave të konfliktit."

Minstrja e jashtme e Gjeorgjisë kërkoi prej KS të OKB dhe OSBE-së që të veprojnë menjëherë. Në të kundërtën, kërcënon një efekt domino. Në radhë mund të jenë rusët e Ukrainës.

„Përkundër të gjitha rregullave ndërkombëtare dhe ligjeve të tyre, në Gjeorgji janë shpërndarë pasaporta ruse për të gjithë banorët e Osetisë Jugore dhe Abhazisë. Në Ukrainë po ndodh dicka e ngjashme. Nga siujdhesa e Krimit po shpërndahen pasaporta ruse, me argumentin se ajo në të vërtetë nuk i përket Ukrainës. Duket se kjo përvojë do të vazhdojë."

Po çfarë mund të bëjë OSBE-ja? Në fakt vetëm atë, për të cilën bien dakord të gjitha 56 shtetet anëtare, pra edhe Rusia. Për vite të tëra në Gjeorgji gjenden tetë vëzhgues ushtarakë, ndërsa tani numri i tyre do të shtohet në 28. Të paarmatosur dhe nga të gjitha vendet anëtare, ata duhet të ndihmojnë për sqarimin e gjendjes.

Kryesuesi i radhës i OSBE-së, ministri i Finlandës, Alexander Stubb, ka propozuar që numri i vëzhguesve të jetë më i madh se 100, por deri tani nuk ka ndonjë marrëveshje. Thuhet se më parë duhet definuar misioni i tyre dhe vendstrehimi. Ambasadori rus në OSBE, Anvar Asimov thotë:

"Ky do të jetë një mision i rëndësishëm, sepse vëzhguesit do të kenë një punë shumë të përgjegjshme. Besojmë se OSBE-ja do të jetë objektive. Raporti i vëzhguesve të OSBE-së do të jetë i rëndësishëm për të kuptuar gjendjen në Gjeorgji, Osetinë Jugore dhe Abkazi."

Ambasadori thotë se Rusia e ka njohur pavarësinë e tyre për shkak të agresionit të Gjeorgjisë. Ai kërkon madje që për shpjegimin e gjendjes, në seancën e radhës të ftohen edhe përfaqësuesit e Osetisë Jugore dhe Abkazisë.
 




____________
\"Mos shikoni kishat as xhamijat se feja e shqiptarit eshte shqiptaria.\"